Emilíana Torrini í Bræðslunni á Borgarfirði.

Stórstjarnan Emilíana Torrini kom til Borgarfjarðar laugardaginn 23. júlí 2005 til að spila á tónleikum.
Þetta er í fyrsta sinn sem Borgarfjörður kemst þannig á heimskortið því svo sannarlega gerðist það því Emilíana er eins og alþjóð veit orðin ein af okkar skærustu íslensku stjörnum.
Emilíana var oft í sveit hjá ömmu sinni, Emilíu Lorange og Hallgrími Á Vigfússyni sem bjuggu þá í Vinaminni.   Vinaminni brann árið 1988 og skömmu síðar fluttu þau á höfuðborgarsvæðið og eftir það rofnuðu þau tengsl hennar við staðinn en það er ljóst að Emilíana hefur svo sannarlega ekki gleymt Borgarfirði því iðulega í viðtölum við hana í gegn um tíðna hefur hún minnst á þessi æskuár sín hér og hve henni leið vel hér.  Það kom líka glöggt fram þegar þessi einlæga og frábæra listakona kom hér að hún var að koma „heim“.   Hún þekkti ennþá fólkið, húsin, fjöllin og fjöruna og glöggt kom fram, bæði á tónleikunum og utan þeirra að þessi „stjarna“ á hug og hörtu Borgfirðinga sem þykjast eiga svolítið í henni og ekki er vafi að hún þykist líka eiga eitthvað í staðnum.
Kjarvalsstofa hafði veg og vanda af þessum tónleikum og á hún heiður skilið fyrir það áræði sem til þurfti til að það tækist.   Sumir töldu það jafnvel bera vott um smá klikkun að láta sér detta þetta í hug en með samstilltu átaki þá tókst þetta og ekki bara tókst heldur tókst frábærlega í alla staði og er framkvæmdaaðilum til mikils sóma.  Þessir 500 einstaklingar sem áttu þess kost að hlýða á Emilíönu í Bræðslunni munu seint gleyma þeirri frábæru stund.

Ekki má heldur gleyma því að heimamaðurinn Guðmundur Magni Ásgeirsson sem er söngvari hljómsveitarinnar Á móti sól, sá um að hita upp fyrir tónleika Emilíönu.   Hann stóð sig einstaklega vel.   Þegar hann að lokum söng:   „Dararamm ....“ þá tók öll bræðslan undir og menn komust á flug sem fram verður haldið á Álfaborgarsjens um verslunarmannahelgina.



Gömlu Brælslunni á Borgarfirði hafði verið breytt í tónleikahús.
Tiltekt stóð í nokkra daga.  Hér er fólk byrjað að safnast saman við innganginn.

Sviðið

Búið að stilla upp.

Aðstaða ljósamanns

Gamall bátur kom sér vel í sviðsmyndinni sem aðstaða fyrir ljósamanninn og ljósmyndara.

Skreyting

Bryndís sá um skreytingarnar og nýtti m.a. bobbinga af Hofstrandarsandi og njóla úr fjörinni hjá Vinaminni.

Skreytingar

Gamlir tunnuhlemmar og njóli skreyttu veggi.

Tæknimenn

Aðstaða tæknimanna var einföld - vörubretti og fiskikassar.

Áhorfendur

Hér er farið að fjölga nokkuð við innganginn

Magni

Magni í Brekkubæ sá um að hita upp. Hann náði mjög vel til fólksins og stóð sig frábærlega

Magni

Áhorfendur tóku vel undir með Magna

Guðmundur Magni Ásgeirsson

Hér er þessi geðþekki sonur Borgarfjaðar.

Magni

Magni í náttúrulegu sviðsljósi

Emilíana

Emilíana heilsar Borgfirðingum og öðrum tónleikagestum.

Þegar hún sagðist tileinkaða þessa tónleika Grími afa, Stínu og Fúsa var ekki laust við að heimamenn fengju smá kökk í hálsinn.

Emilíana

Einlæg og frábær skemmtikraftur.

Emilíana

Segir sögur af lögunum

Emilíana

Fallegur söngur hjá þessari einstöku „sveitastelpu“

Emilíana

Innlifun í söng

Emilíana

Innlifun í söng

Emilíana

Aðstoðarmenn hennar voru einstakir listamenn, hver á sínu sviði.

Emilíana

Innlifun

Emilíana

Hér sér í fremstu áhorfendur í Bræðslunni

Emilíana

Annar gítarleikarinn

Emilíana

Annar gítarleikarinn, sem jafnframt lék á ýmiss önnur hljóðfæri.

Emilíana

Slagverksleikarinn sem jafnframt lék á ýmiss önnur hljóðfæri

Emilíana

Hin einstaka stelpa - Emilíana Torrini.

Emilíana

Hluti gesta séð „aftanfrá“

Emilíana

Frábær túlkun og einlæg sviðsframkoma einkenndi þessa tónleika.

Emilíana

Einbeitni og fágaður flutningur

Áhorfendur

Áhorfendur kunnu vel að meta tónlistina.

Emilíana Torrini

Emilíana syngur hér eitt af síðustu lögunum og áhorfendur hlusta.

Ljósamannsaðstaðan.

Í litlum báti hafði ljósamaður aðstöðu. Áhorfendur stóðu við hlið bátsins.

Áhorfendur

Glöggt má sjá hve þétt menn standa en um 500 manns voru þarna komin til að hlýða á þessa tónleika

Emilíana

Emilíana þakkar hér gestum fyrir komuna.

Emilíana Torrini

Það fylgir því að vera stjarna að þurfa að gefa eiginhandaráritanir

Emilíana Torrini

Emilíana gefur hér eiginhandaráritanir fyrir utan Lindarbakka en þar gisti hún nóttina eftir tónleikana.

Emilíana Torrini

Þessi unga stúlka, sem dvaldist oft á Borgarfirði í æsku, var nú komin „heim“ til að syngja fyrir Borgfirðinga.