Um Borgarfj÷r­ eystri

Borgarfj÷r­ur fÚkk verslunarrÚttindi ßri­ 1895 og um ■a­ leyti byrja­i a­ myndast ■Úttbřliskjarni ■ar sem ■orpi­ Bakkager­i er n˙. Fyrst voru ■etta lÝtil

Borgarfj÷r­ur

Lindarbakki á Borgarfirði eystriBorgarfjörður fékk verslunarréttindi árið 1895 og um það leyti byrjaði að myndast þéttbýliskjarni þar sem þorpið Bakkagerði er nú. Fyrst voru þetta lítil torfhús, svokallaðar þurrabúðir og „neðst" í þorpinu er Lindarbakki, fallegt lítið torfhús, sem sýnir vel hvernig þessi hús litu út. Lindarbakki er í einkaeign, nýttur sem sumarhús og er vinsælt myndefni ferðamanna.

Á Borgarfirði eystri eru æskustöðvar listmálarans Jóhannesar Sveinssonar Kjarvals, sem ólst upp í Geitavík, og þar ofan við veginn stendur minnisvarði um hann. Sumarið 2002 var opnuð á Borgarfirði Kjarvalsstofa, sem helguð er minningu Kjarvals. Þar er varpað ljósi á lífshlaup hans og listiðkun, auk þess sem fjallað er um dvöl hans á Borgarfirði á fyrri hluta 20. aldar. Kjarval, eða „Jói í Geitavík", eins og Borgfirðingar kölluðu hann, sýndi heimahögunum alla tíð mikla rækt og þangað sótti hann efnivið í margar rómaðar landslagsmyndir (auk þess sem hann teiknaði fjölda andlitsmynda af Borgfirðingum). Það verk sem stendur Borgfirðingum næst er eflaust altaristaflan í Bakkagerðiskirkju, en stór hluti þeirra ferðamanna sem sækja fjörðinn heim koma við í kirkjunni til að sjá þetta meistaraverk.

Íbúar Borgarfjarðarhrepps eru um 140. Í sveitinni er sauðfjárbúskapur og nokkuð af hrossum. Gott afréttarland fyrir sauðfé er í Loðmundarfirði og á víkunum sunnan fjarðarins og reka bændur fé sitt gjarnan þangað. Talsvert er af hreindýrum á svæðinu, en þau eru stygg og oft erfitt að koma auga á þau. Hafnaraðstaða á Borgarfirði er slæm frá náttúrunnar hendi enda fjörðurinn stuttur og breiður, en við Hafnarhólma austan fjarðar hefur verið gerð góð smábátahöfn. Gerðar eru út 10-12 trillur og mest af aflanum er saltað hjá Fiskverkun Kalla Sveins. Árið 2003 fékk Borgarfjarðarhöfn, önnur íslenskra hafna, að skarta Bláfánanum sem er alþjóðlegt tákn smærri hafna sem uppfylla ýmiss skilyrði, m.a. gott aðgengi ferðafólks, snyrtimennsku og góðar merkingar.  Stykkishólmshöfn er einnig með Bbláfánann.
 
Frábær aðstaða er til fuglaskoðunar við Hafnarhólma. Þar eru tveir pallar fyrir fuglaáhugamenn og óvíða er betri aðstaða til að fylgjast með lunda og ritu. Lundinn kemur um miðjan apríl, en hverfur allur á braut á einni nóttu um miðjan ágúst.Góð aðstaða er líka fyrir fuglaáhugamenn í fuglaskoðunarhúsi í þorpinu.

Borgarfjörður er þekktur fyrir fallega steina, en almenn steinatínsla er bönnuð nema með sérstöku leyfi landeigenda. Hjá Álfacafé er varðveittur einn alstærsti jaspissteinn sem fundist hefur á Íslandi, 2.250 kg að þyngd.

Menningarlíf á Borgarfirði er öflugt, sé tekið tillit til smæðar staðarins, og ber þar tónlistarhátíðin Bræðslan þar hæst.


headerheader
Hafa sambandHeim
East Iceland today. Sunrise / Sunset | 1.4░ / ASA 9

Tourism Committee of Borgarfj÷r­ur eystri

Webmaster: Hafþór Snjólfur Helgason
hshelgason@gmail.com

TripAdvisor - is

Vertu vinur okkar

Vertu vinur okkar á facebook og fylgstu með okkur þar.
Stefna ehf Hugb├║na├░arh├║s - Moya