Í skólastarfinu er umsjónarkennarinn lykilpersóna. Hann er sá aðili innan
skólans sem veitir nemendum sínum þann stuðning og aðhald sem þurfa þykir. Hlutverk umsjónarkennarans er meðal annars að hlutast til um
andlega og líkamlega velferð nemenda sinna í samvinnu við foreldra/forráðamenn eftir þörfum.
Tvisvar á skólaárinu heldur umsjónarkennari bekkjarkvöld eða samveru að degi til, þar gefst gott tækifæri til að efla bekkjarandann og
styrkja samband umsjónarkennara við nemendur sína. Umsjónarkennarar hafa ákveðna viðtalstíma en sinna samskiptum að öðru leyti í
samvinnu við foreldra/forráðamenn nemenda . Ef upp koma náms-og hegðunarvandamál í skólanum þá ber umsjónarkennara
að taka faglega á þeim málum og leita eftir sérfræðiaðstoð í samráði við skólastjóra.
