Helga á Bakka og jólabókaflóðið

Almennar fréttir - 14.12 2011 - Hafþór Snjólfur Helgason - Lestrar 134 - Athugasemdir (5)

Elfríð

Fyrir þessi jól kom út hjá Bókaútgáfunni Hólum bók eftir Helgu Erlu Erlendsdóttur, sem við þekkjum sem Helgu á Bakka. Bókin heitir Elfríð: Frá hörmungum Þýskalands til hamingjustrandar.

Elfríð Pálsdóttir, móðir Helgu, fæddist í Þýskalandi og upplifði hörmungar stríðsáranna þar sem dauðinn beið við hvert fótmál. Hún gekk þar í gegnum hræðilega lífsreynslu en þrátt fyrir margs kyns mótlæti í lífinu stendur Elfríð óbuguð og segir nú einstæða sögu sína.

Hún kom til Íslands vorið 1949 og fór sem vinnukona á Siglunes við Siglufjörð. Þar kynntist hún sveitapilti, Erlendi Magnússyni, og felldu þau hugi saman.Þau bjuggu fyrst á Siglunesi en síðan í rúman aldarfjórðung á Dalatanga þar sem þau gegndu störfum vitavarða. Saga Elfríðar hvort tveggja í senn; óhugnanleg og hugljúf og lætur engan ósnortinn.

Fréttasíðan óskar Helgu til hamingju með útgáfuna og hvetur að sjálfsögðu sem flesta til þess að lesa þessa bók sem eflaust fæst í helstu verslunum og hjá höfundi.

(Heimildir teknar af vef bókatíðinda)

Til baka