Getraunir 2004

Hér munum við leika okkur með myndagetraunir.   Myndir byrtast hér og svara þarf innan 10 daga af hverju þær eru.  Þá drögum við úr réttum svörum og sigurvegarinn fær send til sín verðlaun sem verða mismunandi eftir spurningum.

Áframhald á getrauninni fer eftir áhuga ykkar og þátttöku.

Af gefnu tilefni!  Það hafa að sjálfsögðu allir rétt á að svara alltaf, burtséð frá því hvort þeir hafa tekið þátt áður eða unnið til verðlauna.   Þetta er eins og í happdrættinu - miði er möguleiki.  Að sjálfsögðu er öllum heimilismönnum heimilt að svara sömu spurningunni.
Takið endilega þátt í þessum létta leik.

14. spurning 25.des. 2003.   Svar þarf að berast fyrir 5. jan. 2004

Myndin er tekin í skemmtiferð UMFB í Partafjall 1935   Hverjir eru á myndinni? Smá vísbending:  strákarnir urðu síðan mágar tveggja stúlknanna.

Verðlaun:  Tvær söngbækur.

Svar við spurningu 13 er:  Steinunn Þóra Helgadóttir og Eiríkur Gunnþórsson.  Myndina tók Sverrir Aðalsteinsson á þorrablóti 1965.  Aðeins tveir voru með ártalið rétt.

Við fengum 17 svör og þar af voru 15 rétt.  Sella og Maggi fengu tvö „atkvæði

Úr réttum svörum var svo dregin Guðný Ólafsdóttir og fær hún sendar til sín  tvær söngbækur.  Til hamingju Guðný!

Svar við spurningu 12 er:  Hannes Árnason Grund, Jón Sigurðsson Sólbakka, Andrés Björnsson Snotrunesi og Björn Þorkelsson Bakkastekk

Við fengum 14 svör og þar af voru 11 rétt.  Bubbi og Sveinn Bjarna fengu líka „atkvæði“. 
Oft koma inn skemmtileg bréf með svörunum og óvenju ýtarlegt bréf kom núna frá Desjarmýrarfeðgum.  Fær Sigmar sérstakar kveðjur fyrir eftirfarandi texta:  
Hrútarnir eru Geisli Jóns á Sólbakka 3 vetra brjóstmál 114 spjald 26 cm vóg 112 kg, fékk 1 verðlaun stóð efstur fullorðinna hrúta.
Spakur Björns á Stekk 3 vetra vóg 112 kg með 27 sm spjald stóð næst efstur fullorðinna hrúta hann var fæddur á Desjarmýri 20 maí 1960 foreldrar Holti og Grýður.
Grettir Hannesar á Grund stóð efstur veturgamalla hrúta, heimaalinn undan Kúða

Myndin var tekin þann 20 október 1963.  Eitthvað gekk illa að stilla hrútunum upp til myndatökunnar en allt í einu segir Hannes „nú brosir minn“ og þegar hann sleppir orðinu var myndinni smellt af.
Sigmar Ingvarsson Desjarmýri

Þá er komið að verðlaununum en útdrátturinn varð þannig:

1.  Ljóðabók Ásgríms Inga:  Björn Aðalsteinsson,
2 - 5.  Göngukort og söngbók:  Anna Gerður Hjaltadóttir, Ágúst Ólafsson, Fjóla Ásgeirsdóttir og Jón Sigmar Sigmarsson.   
Til hamingju öll.

8.12. 2003
Svar við spurningu 11 er:   Gunnhildur.
Myndn er tekin neðan við Oddana.  Nes er beint neðan við bátinn sem er á firðinum.
Nú fengum við 15 svör en þrír svöruðu Dagmálafjall.   Gunnhildur er fyrir miðri mynd en örlítið sér ofan á Dagmálafjallið handan hennar.   Ekki var hægt að gefa rétt fyrir það svar en til að átta sig betur á þessu fylgir hér með mynd af báðum fjöllunum, tekin frá Klippstað.  Gunnhildur er vinstra megin, Dagmálafjallið hægra megin og ber við himinn en Svartafell er framar, hægra megin við kirkjuna.

Úr tólf réttum svörum var svo dregið og Ágúst Ólafsson fær sent til sín  göngukort og bók.  Til hamingju Gústi!

11. spurning 7.des. 2003.   Svar þarf að berast fyrir 17. des. 2003

Hvað heitir fjallið fyrir miðri mynd?   (Með þokuslæðunni). (Það er í Loðmundarfirði)

Verðlaun: göngukortið og myndabókin um Borgarfjörð og Víknaslóðir

Nú þegar eru komin 20 rétt svör við 10. spurningu - síðasti svardagur er í dag 7. des.

8.12. 2003
Svar við spurningu 10 er:   Hjálmar Björn Geirsson, Þorsteinn Sveinbjörnsson og Hallgrímur Árni Vigfússon.
Myndin er tekin árið 1965 og á því ári urðu þessir öðlingar 15 ára.
Þorsteinn var hér með foreldrum sínum ein tvö sumur en faðir hans, Sveinbjörn G. Þorsteinsson var vörubílstjóri hjá söltunarstöðinni Borg.

Við fengum nú met af svörum eða 20 talsins og öll rétt.  Því miður voru tvö þeirra ekki send undir nafni þannig að aðeins var dregið úr 18 svörum.   Fimm þeirra sem svöruðu voru með alla þrjá rétta og þar á meðal Jóhanna Óladóttir en hennar nafn var dregið úr bunkanum.   Fær hún formlega afhent göngukort, bók og tvær söngbækur - til hamingju!

Einhverjir giskuðu á þann í miðjunni.   Upp komu m.a. Eiríkur Gunnþórsson og Magnús Gunnþórsson. 

1.12. 2003
Svar við spurningu 9 er:   Hafþór Snjólfur Helgason, Guðmundur Þór Þorsteinsson og Ólafur Björnsson.
Myndin er tekin á Sumarhátíð UÍA á Eiðum sumarið 1988 en þeir félagar voru hluti 6. flokks UMFB í knattspyrnu sem keppti þar.  Hafþór og Guðmundur eru þarna 8 ára en Óli 7 ára.

Nú fengum við 13 svör og tvö þeirra voru röng.  Úr þeim réttu var degið og Guðný Sigríður Ólafsdóttir fær sent til sín í pósti göngukort og bók.   Til hamingju Guðný!

Hér getið þið séð alla myndina með því að smella á hana.
Á myndinni eru í aftari röð frá vinstri:  Sigurlaug Anna Kristinsdóttir, Guðmundur Magni Ásgeirsson, Rannveig Hulda Ólafsdóttir, Sveinn Guðmundsson, Ottó Freyr Jóhannsson, Borgþór Geirsson og Sigursteinn Sigurðsson.
Fremri röð frá vinstri:  Arnar Pétursson, Óli Rúnar Jónsson, Hafþór Snjólfur Helgason, Guðmundur Þór Kristjánsson og Ólafur Björnsson.

Skemmtileg er sagan um fólkið sem þekkti Þorstein á Jökulsá og Bjössa Alla en voru ekki alveg vissir um þennan sem var lengst til hægri.  Kannski var á honum Bakkasvipur.  Spurning hvort það gæti verið Helgi Arngríms.   Svona geta nú myndir verið villandi - eða afkomendur líkir forfeðrunum.

21.11. 2003
Svar við spurningu 8 er:   Guðmundur Sveinsson, Svavar Björnsson og Reynir Björnsson.
Myndin er tekin við íþróttavöll UMFB sennilega 1964.  (Myndin er merkt APR 1965)   Þið getið skoðað hér mynd af öllu knattspyrnuliðinu.   Reynir er þarna 16 ára, Svavar 17 ára og Gummi að verða 21. árs.

Nú fengum við 12 svör og aðeins eitt þeirra var rangt.  Úr þeim réttu var degið og Sveinbjörg Óladóttir fær sent til sín í pósti göngukort.    Til hamingju Sveina!
Til gamans má geta að sá sem ekki var með þetta rétt hélt að Svavar væri Palli í Hvannstóð og Reynir væri Valli.   Greinilegt er að þegar langt um líður þá sést ættarmótið vel en Gummi á Hól breytist ekkert!
Til gamans og fróðleiks þá er rétt að telja upp hverjir eru á stóru myndinni.   Aftari röð frá vinstri:   Helgi Eyjólfsson, Skúli Andrésson, Ásgeir Arngrímsson, Jón Þorbjörn Hilmarsson, Páll Þórðarson, Elvar Hjaltason, Sigurður Óskar Pálsson, Jón Björnsson, Guðmundur Jóhannsson, Hannes Óli Jóhannsson, Haukur Geirsson, Bjarnþór Aðalsteinsson og Jón Björnsson.
Fremri röð frá vinstri:  Magnús Bjarni Helgason, Þorkell Helgason, Guðmundur Sveinsson, Svavar Björnsson, Pétur Reynir Björnsson, Friðjón Sigurjónsson, Eiríkur Gunnþórsson, Baldur Aðalsteinsson, Grétar Arnbergsson, Sveinbjörn G. Þorsteinsson og Sigurður sonur hans.

Bjarni Geirsson tók þessa mynd, sennilega sumarið 1964.   Fjárhús Geirs í Steinholti eru í bakgrunni.

13.11. 2003
Svar við spurningu 7 er:   Ásgeir Stefánsson - rétt svar er líka  „Geiri hennar Gunnu frá Jörfa“
Myndin er tekin í Brandsbalarétt á Álfaborgarsjens 2000.

Nú fengum við 13 svör og aðeins eitt þeirra var rangt.  Úr þeim réttu var degið og Margrét Ásgeirsdóttir fær sendar til sín tvær söngbækur enda þótt hún hafi skrifað „PABBI“ sem svar.   Til hamingju Margrét!

Mér er sagt að þessi mynd hafi gengið undir nafninu „Harmonikuleikarinn og lífverðirnir“.   Guðný í Jörfa sendi greinargóða skýrslu um „lífverðina“ og fylgir hún hér með - takk Guðný:

Aðrir á myndinni eru fv.: Ólöf Jóhannsdóttir, Guðný Ólafsdóttir (hárið), Margrét Ásgeirsdóttir, Elísabet Sveinsdóttir, Atli Dagsson, Eyrún Jónsdóttir, Jón Karl Svavarsson, Ída Guðrún Atladóttir, Ásgeir harmonikkuleikari, Sindri Már Atlason, Viðar Karlsson, Óskar Jökull Sigurðsson, Óttar Jörgen Sigurðsson, Svavar Pálsson, Rögnvaldur Skíði Friðbjörnsson (hnakkinn...) og síðast en ekki síst eyrað á Grétari Arnbergssyni!! ;o)

3.11. 2003
Svar við spurningu 6 er:   Kjólsvík.
Myndin er tekin ofan af Grenmó með aðdráttarlinsui og líka klippt aðeins utan af henni.

Heldur fleiri svöruðu þessari spurningu heldur en þeirri síðustu eða níu manns.  Aðeins eitt svar var rangt og úr þeim réttu var degið og Guðfinna Jakobsdóttir fær sendar til sín tvær söngbækur.   Til hamingju Guðfinna.

26.10. 2003
Svar við spurningu 5 er:   Þær eru sex og heita:  Hallveig, Dagur, Óttar, Baldur Smári, Birkir og Eyrún.
Myndin er tekin eins og sést bakvið Lindarbakka.   Spurningin varð til í gönguferð hjá 10. bekk um daginn.

Heldur fleiri svöruðu þessari spurningu heldur en þeirri síðustu eða fimm.  Að vísu voru bara þrjú rétt svör og úr þeim var degið og Þröstur Fannar Árnason fær sendar til sín tvær söngbækur.   Þröstur er gamall poppari og ætti ekki að verða í vanda að syngja upp úr henni.   Til hamingju Þröstur.

23.10. 2003
Svar við spurningu 4 er:   Skælingur  
Myndin er tekin Húsavíkurmegin í Neshálsinum.

Nú er heldur farinn að minnka áhuginn á svæðinu.  Einungis bárust tvö svör við þessari spurningu og bæði rétt.  Út var dregið jafn Jóns Sigmars Sigmarssonar og þá getur hann raulað nokkra söngva á næstunni.  Til hamingju Jón.

21.10. 2003
Svar við spurningu 3 er:   Skálanes.  
Þetta er Skálanes norðan Njarðvíkur.   Kögurvitinn sést efst í vinstra horninu.   Myndin er tekin úr flugvél yfir Njarðvíkinni og svipaða mynd má sjá á myndasíðunni hér á vefnum.

Það bárust einungis þrjú svör og tvö voru rétt.  Dregið var milli þeirra og upp kom Helgi H. Jónsson frá Laufási.  Honum verða sendar tvær söngbækur.   Til hamingju nafni.   Ágætt að kíkja á nokkra „ættjarðarsöngva“.

3. spurning 9.10. 2003.   Svar þarf að berast fyrir 19. okt.

Nesið næst okkur er í Borgarfjarðarhreppi.  Hvað heitir það?

Verðlaun: Nýja söngbókin okkar ... þar sem söngvarnir óma.

16.10. 2003
Svar við spurningu 2 er:   Súrsmæra.  
Fyrst fannst þessi jurt hér inni í Hvannstóðsdal laust fyrir 1940 og mun það hafa verið Halldór Ásgrímsson sem hana fann.  Síðan hefur hún einnig fundist í Hjaltastaðaþinghá.

Alls bárust sex rétt svör og úr þeim dróst nafnið:  Árni Áskelsson.   Honum verða sendar tvær söngbækur.   Til hamingju Árni.   Gott fyrir þig að læra þessi lög fyrir næsta sumar.

10.10. 2003
Svar við spurningu 1 er:   Innra-Hvannargil í Njarðvík.  
Myndin er tekin úr flugvél niður á gilið.  Vegurinn inn Njarðvíkina er rétt ofan við myndflötinn.   Þið getið séð þannig mynd í myndaalbúminu annarsstaðar á vefnum okkar.  

Alls bárust átta svör við spurningunni og sjö þeirra voru rétt.   Dregið var úr réttum svörum og Harpa Rún Björnsdóttir, Sætúni, 720 Borgarfirði fær sendar til sín tvær söngbækur.   Til hamingju Harpa og þakkir til allra fyrir þátttökuna.