|
Milli Borgarfjarðar og Loðmundarfjarðar er fjöldi af víkum og
var búið í flestum þeirra fram undir miðja 20. öldina.
Brúnavík
BPG 2002
Brúnavík er næst
sunnan Borgarfjarðar. Þar var oft tvíbýli og síðasta áratug 19. aldar komst
íbúatalan yfir 30 manns en byggð lagðist þar af 1944. Brúnavík er talin bera
nafn af brúnunum í víkinni en ekki af brúna litnum sem þó er áberandi hér.
Gengið í hlíðum Geitfells - Súlutindur í
baksýn
ÁÁ 2004
Í Brúnavík er þokkaleg lending við klappir nálægt
bæjarstæðinu og oftast var nokkur útgerð þar enda mjög stutt á fengsæl fiskimið.
Gengið um Brúnavíkursand
HMA 2004
Fyrir botni víkurinnar er sandfjara, Brúnavíkursandur, og ofan
hans eru mjög
sérkennilegir og fallegir líparítklettar. Eindregið er mælt með því að þeir sem
eiga leið um Brúnavík gangi um fjöruna og skoði umhverfið vel.
Hvalvík - séð ofan af Glettingi
HMA 2004
Hvalvík er næst í röðinni. Þar er lítið vitað um búsetu
nema hvað merkur maður, Benóný Guðlaugsson bjó hér í 10 ár eða til 1842 er hann
flutti sig niður á Glettingsnes sem þá hafði verið í eyði um tíma. Á
Glettingsnesi er góð lending og þar var nokkuð útræði en í Hvalvík er mjög hár
sjávarbakki og ófært niður í fjöru.
Séð niður á Glettingsnes af Glettingskolli
HMA 2004
Viti var byggður á Glettingsnesi 1931 og var
vitavörður þar til 1952 er nesið fór í eyði. Þægileg ganga er á Gletting (553)
en leiðin er ekki stikuð.
Á toppi Glettings - Grenmór í baksýn
ÁÁ 2004
Kjólsvík - af Grenmó. Sér á Glettingsnes.
HMA 2003
Kjólsvík er sunnan Glettings. Þar er bæjarstæðið út við
sjó norðan víkur. Víkin ber nafn af kletti sem er ofan við bæinn.
Kjólsvíkurbærinn - tóftir
HMA 2004
Rústir Kjólsvíkurbæjarins undir Kjólnum sunnan í Glettingi
ÁÁ 2004
Kjóll
þýðir skip eða kjölur og kletturinn á að bægja skriðum frá bænum sem stendur
beint neðan hans. Í Kjólsvík eru mikil framhlaup og Ólafur Ólavíus segir 1776. „
Hefur víkin sem þótti mjög grasgefin breyst mjög af ægilegu skriðuhlaupi fyrir
þremur árum“.
Kjólsvík - Víðidalsfjall og Glettingur
HMA 2003
Glöggt má sjá Efri- og Neðri Háuhlaup sem liggja ofan frá Víðidalsfjalli.
Gamlar sagnir segja frá vatni uppi á Víðidalsfjalli sem í
dag er ekki. Kjólsvík byggðist ekki aftur fyrr en 1830 og fór síðan í eyði 1938.
Glöggt má sjá afleiðingar framhlaupa norðan megin í víkinni og heita þar Efri-
og Neðri-Háuhlaup
Á Litluvíkursandi - sér til Svínavíkur
HMA 2004
Svínavík heitir dalverpi er liggur upp í Grenmó
sunnan Kjólsvíkur. Hér hefur aldrei verið búið enda víkin lítil og erfið
uppgöngu.
Útsýn til Litluvíkur frá Svínavík
HMA 2003
Fáar færar leiðir eru á Svínavík en þó er þokkaleg leið um
Kaplaskarð og á fjöru má auðveldlega ganga fyrir Forvaða úr
Breiðuvík.
Breiðavík - Litlavík séð frá Grenmó
HMA 2003
Breiðavík er næst. Hér voru tveir bæir, Breiðavík
og Litlavík (áður Litla-Breiðavík). Landamörk jarðanna fylgja Stóruá inni
í vík en síðan um stóra tjörn ofan við sandfjöruna fyrir víkurbotninum. Flest
bendir til búsetu hér frá landnámi.
Breiðuvíkurbærinn að hruni kominn 1981
HMA 1981
Seinustu áratugina var yfirleitt tvíbýli í Breiðuvík, jafnvel
þríbýli, yfirleitt 10-15 manns. Mikið af mannvistarleifum eru umhverfis
bæjarstæðið.
Breiðuvíkurskáli
HMA 2004
Göngufólk í Breiðuvíkurskála ÁÁ 2004
Ferðafélag Fljótsdalshéraðs byggði hér árið 1998 glæsilegan
33ja manna gönguskála.
Breiðuvíkurskáli - Sólarfjall í baksýn
ÁÁ 2004
Gönguhópur í Breiðuvík
HMA 200
4
Víkin er ákaflega litfögur með mjög áberandi ljósum líparítfjöllum.
Jeppavegur er frá Borgarfirði til Breiðuvíkur.
Göngufólk við Vatnstungur innst í Breiðuvík
ÁÁ 2004
Smelltu
hér og sjáðu nánar tillögur að ferðaskipulagi.
Velkomin á
Víknaslóðir
|
