|
Í Herjólsvíkurvarpi - Leirfjall í baksýn
HMA 2002
Sunnan Breiðuvíkur er Herjólfsvík. Þar var aldrei búið
ef frá er talin frásögn í þjóðsögum um Herjólf og systur hans
Gunnhildi sem bjó í Gunnhildardal í Húsavík. Deildu þau um
upprekstrarland sem endaði með því að þau felldu skriður á bæi hvors annars.
Gunnhildur og hennar fólk komst af því hún hafði veður af fyrirhugaðri ferð
Herjólfs en hann fórst hins vegar með hyski sínu öllu.
Húsavík
HMA 2004
Húsavík ber höfuð og herðar yfir aðrar víkur hér enda var
hún hæst metna jörð í Múlaþingi að fornu mati. Hér var stunduð mikil útgerð og
Færeyingar voru hér t.d. fram undir 1930. Á árunum 1830 og 1900 bjuggu hér 40 -
65 manns á fjórum bæjum en fór svo fækkandi og byggð lagðist af 1974. Margrét
ríka kallaði Húsavík „víkina ljótu en feitu“. Ekki eru allir sammála þeirri
nafngift því víkin hefur að skarta a.m.k. tveim einstökum fjöllum.
Áð við Hvítserk
HMA 2004
Skælingur „Kínverska musterið“
HMA 2004
Annað er
Hvítserkur, eitt fegursta fjall landsins og svo Skælingur eitt
formfegursta fjall landsins, stundum kallaður „kínverska musterið“. Fegurð hefur
annað mat í dag en var á öldum áður. Hvítserkur og Leirfjall hafa myndast í
gífurlegu sprengigosi en toppur þeirra beggja er úr móbergi. Í Hvítserk eru
basaltberggangar þvers og kruss um fjallið sem gefur því einstakan svip.
Húsavíkurskáli
HMA 2002
Ferðafélag Fljótsdalshéraðs reisti sumarið 2000 glæsilegan
33ja manna gönguskála hér
við rætur Skælings.
Göngufólk á leið í Álftavík - Húsavík í baksýn
ÁÁ 2004
Álftavík - Álftavíkurtindur til vinstri
Álftavíkur, Ytri og Innri eru í raun bara slakkar í
fjallinu sunnan Húsavíkur og snúa að Seyðisfjarðarflóa. Búseta var í
Ytri-Álftavík a.m.k. frá 1829 til 1904 er hún fór í eyði.
Lotna í Álftavík - bæjarstæði
hægra megin á mynd.
HMA 2001
Forsenda búsetu hér er Lotna, frábær höfn frá náttúrunnar
hendi, með þröngri innsiglingu sem gerði aðstæður hér lífvænlegar.
Á leið upp úr Álftavík - Álftavíkurtindur
HMA 2004
Morgunverðurinn tilbúinn í
Húsavík HMA 2005
Gönguleið hingað er erfið, um brött og þröng fjallaskörð og
brattar hlíðar. Nauðsynlegt er fyrir ókunnuga að afla sér upplýsinga því
leiðirnar eru ekki merktar.
Loðmundarfjörður - Hjálmárdalur og Gunnhildur Reynir
2000
Hvíldartími á Seljamýrarmóum - Bungufell í baksýn
ÁÁ 2004
Loðmundarfjörður
var færður undir Borgarfjarðarhrepp 1. janúar 1973. Í byrjun 20. aldar voru hér
87 íbúar á 10 bæjum. Upp úr 1940 fer þeim að fækka og 1973 flutti síðasti
ábúandi brott.
Útsýni af Herfelli út Loðmundarfjörð - Skælingur
í bakgrunni
Loðmundarfjörður úr flugvél
Loftmyndir 2003
Í Loðmundarfirði er mikið framhlaup sem kallast
Loðmundarskriður eða Stakkahlíðarhraun. Talið er að það sé komið ofan
frá Bungufelli og Flatafjalli og hafi fallið fram dalinn. Efst í
því finnast miklar perlusteinsnámur sem rannsakaðar voru nokkuð á 7. áratugnum
með nýtingu í huga.
Klyppsstaðakirkja - Gunnhildur og Svartafjall
HMA 2004
Kirkja frá 1895 er að Klyppsstað
en prestur sat þar til 1888 en eftir það var staðnum þjónað frá Dvergasteini og
síðar Seyðisfirði.
Sævarendi
HMA 2003
Á Sævarenda er talsvert
æðarvarp og er búið þar fyrri part sumars við nytjar á því.
Sævarendi var síðastur bæja í Loðmundarfirði til að fara í eyði en þar var búið
til 1973.
Stakkahlíð - Flatafjall og Skælingur í baksýn
HMA 2003
Inni í Stakkahlíð - Smári Magnússon
HMA 2002
Í Stakkahlíð er starfrækt ferðaþjónusta á sumrin í
gamla bænum sem haldið hefur verið vel við og lagfærður. Gisting er þar fyrir um
20 manns.
Karlinn í Loðmundarfirði - Karlfell í baksýn
HMA 2004
Karlinn og Kerlingin á Kerlingarfjalli
HMA 2004
Í Loðmundarfirði er nokkuð undirlendi og auðvelt er að eyða
hér heilum degi til skoðunar því fjörðurinn býr yfir einstakri náttúrufegurð og
kyrrð sem gott er að njóta.
Gengið í Loðmundarfirði - Karlfell í baksýn
HMA 2004
Góður jeppavegur er til Loðmundarfjarðar. Yfirleitt er hann
ekki orðinn fær fyrr en í byrjun júlí en fer þó eftir snjóalögum.
Smelltu
hér og sjáðu nánar tillögur að ferðaskipulagi.
Velkomin á
Víknaslóðir
|
