Fréttir og tilkynningar

Opið hús

Föstudaginn 20. maí verður opið hús í skólanum klukkan 11:00 en þá ætla nemendur að kynna viðfangsefni þau sem þau hafa unnið að nú í valvikunni. Nemendur yngri deildar hafa unnið að verkefni með svokallaðri leitarnámsaðferð en þá byrja nemendur á að spyrja spurningar sem þau vilja finna svar við. Þar sem að þetta er valvika réðu nemendur alfarið viðfangsefnum sínum. Því næst koma nemendur með tilgátu að svari og ákveða með hvaða hætti þeir kynna sér málið og í lok vikunnar kynna allir niðurstöður sínar. Þessi aðferð hvetur börn til vísindalegrar nálgunar og er ætlað að auka ábyrgð þeirra á eigin námi ásamt því að efla nemendalýðræði við skólann.Nemendur eldri deildar hafa einnig unnið að sjálfvöldum verkefnum þessa vikuna í samræmi við áhuga sinn.  Kaffi á könnunni, allir velkomnir

Ræðukeppni

Í dag var efnt til ræðukeppni í söng og samskiptatíma. Nemendum var skipti í tvo hópa þar sem þeir mæltu með eða á móti Bræðslunni eftir atvikum. Þetta var skemmtilegt æfing þar sem rökfærsla, framsögn og tjáning var þjálfuð.  

Vor í Leikskólanum

Við á leikskólanum höfum aldeilis haft í mörgu að snúast 

Varðliðar umhverfisins 2016

Varðliðar umhverfisins, það erum við! Á Degi umhverfisins 25.apríl skrapp hann Bóas okkar suður til Reykjavíkur til að taka á móti viðurkenningu fyrir hönd allra nemenda skólans en nemendur okkar hafa verið útnefnd Varðliðar umhverfisins 2016 af umhverfis- og auðlindaráðuneytinu, Náttúruskóla Reykjavíkur og Landvernd.  Þennan heiður hljóta krakkarnir okkar fyrir ljósmyndaverkefni sem þau hófu í gönguferðinni til Loðmundarfjarðar í haust og unnu svo áfram í umhverfismenntunartímum. Verkefnið var sent inn í þessa verkefnasamkeppni sem er á landsvísu en keppnin hefur það að markmiði að hvetja ungt fólk til góðra verka í umhverfismálum og vekja sýn ungs fólks á þau.  Sjá nánar hér: http://www.ruv.is/frett/vidurkenningar-afhentar-a-degi-umhverfisins

Bekkjarkvöld 10. bekkjar

Á fimmtudagskvöld var bekkjarkvöld hjá 10. bekk

Vorskóli

Vorskóli elstu nemenda á leikskólanum hófst í dag en þau munu verja fimm dögum með nemendum yngri deildar grunnskólans nú fram á vorið til að aðlagast grunnskólastarfinu. Aðlögunin á sér reyndar stað allt skólaárið því samstarf á milli skólastiganna er mikið hér á Borgarfirði..... en það er aðeins öðruvísi að vera boðin velkomin í heimastofuna, fá eigið borð og skólaverkefni, svo ekki sé talað um að leika við eldri nemendur í frímínútum og sitja með þeim til borðs í matartímanum. Nemendur grunnskólans skiptast á að vera skólavinir gestanna og það þýðir að þau eldri fá það mikilvæga hlutverk að hjálpa til ef á þarf að halda og vera sérstaklega góður vinur þeirra í frímínútum.

Búðarleikur

Elstu börnin á leikskólanum eru markvist og ómarkvist að fást við stærðfræði 

Páskafrí

Páskafrí í leik-og grunnskólanum hefst eftir föstudaginn 19.mars.Skólastarf í leikskólanum hefst 28.mars en í grunnskólann mæta nemendur miðvikudaginn 29.mars og verður þá kennsla samkvæmt stundaskrá. Gleðilega páska og hafið það yndilegt í fríinu

Skíðaferð

Mikið svakalega var gaman á skíðum. Nemendur drifu sig í Oddskarðið í blíðskaparveðri 17.mars. Flestir voru að renna sér í fyrsta skipti og þurftu sumir að yfirstíga allskonar tilfinningar til að koma sér af stað. Í lok dagsins voru allir farnir að renna sér með bros á vör.

Bangsastund hjá 3.,4. og 5. bekk

Nemendur í 3., 4. og 5. bekk gerðu gjörning í útikennslutofunni 18.mars 2016 í tilefni af alþjóðadegi til afnáms kynþáttamisréttis 21. mars en dagurinn er einnig alþjóðadagur ljóðsins. Af þessu tilefni komu þau með bangsana sína í skólann. Kveikt var bál og böngsunum raðað í kring um bálið,  krakkarnir skrifuðu ljóð um vináttuna eða frið en fyrr um morguninn höfðu þau velt fyrir sér andheitum orðsins kynþáttafordómar. Ljóðin lásu þau upp fyrir eldri nemendur og aðra áheyrendur í lok tímans. Þau höfðu sjálf komist að því að þau gætu notað bangsa sem tákn fjölbreytileika og þeir eru í þessum gjörningi vísun til mikilvægi fjölbreytileikans í samfélagi  okkar og mikilvægi þess að afnema misrétti. Bangsinn hefur einnig á síðustu misserum orðið tákn sakleysisins, barna á flótta og mannúðar. Ljóðin má lesa hér.