Fréttir og tilkynningar

Hátíð í skólanum

Á Degi íslenskrar tungu var mikið um dýrðir í skólanum, opið hús var í skólanum. Margir gestir og margt að gerast.  

Sögustund hjá 3. - 5 bekk

Á fimmtudögum er bókadagur á leikskólanum.

Heimsókn 5 ára barna á Hádegishöfða

Um miðjan september fóru 5 ára nemendur leikskólans í heimsókn á leikskólann Hádegishöfða í Fellabæ. Við gerðum góða ferð þar sem við hittum vini okkar og lékum okkur saman part úr degi. Ferðina enduðum við síðan með því að fá okkur stóran ís í sjoppunni. Við þökkum öllum, bæði nemendum og starfsfólki, á Hádegishöfða kærlega fyrir móttökurnar og vonum að við getum endurgoldið þeim þetta síðar. Margt annað höfum við líka brallað í september eins og að fara á hestbak, safna jurtum, og leika okkur úti í góðaveðrinu. Hér má sjá myndir/pictures.

Grænfánagullkorn

Sjálfbær þróun ! Hvað er nú það. 

Gönguferð í Loðmundarfjörð

Eftir sundviku fóru nemendur í gönguferð frá Húsavíkurskála til Loðmundarfjarðar. Í Loðmundafirði fylgdum við stíg niður Hryggjabrekkur, niður að ósnum og upp með Fjarðaránni að varpinu í Sævarenda. Þar skoðuðum við listilega gerð kolluhreiður en því næst var gengið í skála Ferðafélagsins. Nemendur unnu ýmiss verkefni bæði á leiðinni og þegar komið var í skálann, en ljúfur dagur lauk með kvöldvöku og húslestri. Daginn eftir flýttum við okkur heim sem mest við máttum þar sem að úrhellisrigning var komin í Nesháls upp úr hádegi. Já enginn er verri þótt hann vökni :) Myndir/pictures  frá ferðinni.

Skólahald í blíðviðri

Þau hafa verið heppin með veður krakkarnir í Grunnskólanum þessa fyrstu daga skólaársins. Þessa vikuna fara þau daglega á námskeið hjá Ásgrími Inga í sundlauginni á Egilsstöðum. Aðstaða í lauginni er öll til fyrirmyndar og ljúft að taka sundtökin í lauginni. Skólinn fær einnig leyfi til að nýta Félagsmiðstöðina Ný-ung í hléi á milli æfinga, til að nemendur megi matast og hvíla sig. Ekki nóg með að þau séu mætt til leiks í lauginni því á mánudag sóttu nemendur sér bækur á Héraðsbókasafnið en í vetur ætla þau að lesa fjölbreyttar bækur sér til ánægju og yndisauka.  

Skólasetning

Kæru nemendur og foreldrar  Skólasetning verður klukkan 15:30 mánudaginn 17. ágúst. Um morgunin þennan dag hefst sundlota skólaársins og fer póstbíllinn með nemendur frá skólanum klukkan 08:00. Líkt og í upphafi síðasta skólaárs ætla foreldrar að koma  með brauðmeti og álegg og súpa verður í boði hússins.  Hlökkum til að sjá ykkur  Bryndís, Hoffa, Jóna, Jóffa og Svandís

Kennarar óskast - framlenging á fresti

Við óskum eftir að ráða frá næsta skólaári (1. ágúst 2015) Umsjónarkennara á yngra- og miðstigi sem kennir fjölmargar kennslugreinar, bóklegar og verklegar á því stigi. (Fullt starf) Kennara sem getur tekið að sér þá tíma sem áætlaðir eru í sérkennslu í íslensku á öllum stigum, pólskukunnátta kostur.(Hlutastarf) · Kennara sem getur tekið að sér kennslu ýmissa greina í eldri og yngri deild (Hlutastarf) · Leikskólakennara vantar einnig í hlutastarf á leikskóladeildina. 

Skólaslit og skólabyrjun í haust

Grunnskólanum var slitið 27. maí og kennarar eru þessa dagana í óða önn að ganga frá eftir veturinn og undirbúa eins og hægt er fyrir haustið- áður en þeir fara i sumarfrí. Í sumar stendur til að lagfæra ýmislegt, til dæmis, taka til, mála Rifið (miðrýmið) og bæta hljóðvistina í skólanum og aðbúnað okkar með því lagfæra gólf. Þær framkvæmdir fara á fullt þegar leikskólinn fer í sumarfrí í júlí.  Grunnskólahald hefst á ný 17.  ágúst með sundnámskeiði nemenda á Egilsstöðum og skólasetningu kl. 15:30 en 10. og 11 ágúst  munu kennarar heimsækja nemendur og foreldra til að ræða um starf komandi vetrar.  Leikskólinn hefst eftir sumarfrí 5. ágúst.  Glærur frá skólasetnignu má nú finna á heimasíðunni undir tenglar. 

Grænfánafréttir

Við höfum haft af því áhyggur hvað grænfáninn okkar endist illa.