Ársreikningur Borgarfjarðarhrepps 2011 samþykktur

Búið er að samþykkja ársreikning Borgarfjarðarhrepps fyrir árið 2011.

Rekstrartekjur sveitarfélagsins á árinu námu 104,0 millj. kr. samkvæmt ársreikningi fyrir A og B hluta, en þar af námu rekstrartekjur A hluta 96,9 millj. kr.

Álagningarhlutfall útsvars var 14,48% sem er lögbundið hámark. Álagningarhlutfall fasteignaskatts í A-flokki var 0,40% en lögbundið hámark þess er 0,625% með álagi.  Í B-flokki var álagningarhlutfallið 1,32% sem er lögbundið hlutfall og í C-flokki var álagningarhlutfallið 1,0% en lögbundið hámark er 1,10% með álagi.

Rekstarniðurstaða sveitarfélagsins, samkvæmt ársreikningi A og B hluta, var jákvæð um 3,9 millj. kr., en rekstrarniðurstaða A hluta var jákvæð sem nam 6,7 millj. kr. samkvæmt rekstrarreikningi.  Eigið fé sveitarfélagsins í árslok 2011 nam 164,4 millj. kr. samkvæmt efnahagsreikningi fyrir A og B hluta, en eigið fé A hluta nam 163,2 millj. kr.

Smellið hér til að skoða ársreikning (PDF)

Jón Þórðarson Sveitarstjóri