Jónas og Valdimar aftur væntanlegir í Fjarðarborg

Þá er komið að fyrstu stórtónleikum sumarsins hjá Já Sæll í Fjarðarborg. Við byrjum þetta með stæl og bjóðum á svið okkar allra besta vin, Jónas Sigurðsson ásamt snillingnum Valdimar Guðmundssyni. Þeir félagar voru með stórbrotna tónleika í Tónleikamaraþoni Jónasar síðastliðið sumar og vegna fjölda áskoranna ætla þeir að endurtaka leikinn föstudaginn 28. júní.
Það hefur sýnt sig á þessum tónleikum Jónasar hér í Fjarðarborg að allt getur gerst, bæði óvænt og planað og þannig verður það eflaust líka núna. Eitt er þó ljóst að þetta kvöld verður algjör veisla fyrir augu og eyru.

Fyrir tónleika verður boðið upp á dýrindis matarhlaðborð fyrir tónleikagesti í veitingasölunni og á eftir tónleikana verður opið á barnum fram á rauða nótt.

Mætum öll og myndum aftur þessa einstöku stemningu sem einkennt hefur tónleika í Fjarðarborg. - Hamingjan er svo sannarlega ennþá hér!

Pantanir á tónleikamiðum og í mat eru í s: 472-9920.