Ný sólóplata Magna - Í huganum heim

Það er nú ekki á hverjum degi sem Borgfirðingar senda frá sér sólóplötu, en einn var vissulega að því núna fyrir nokkrum dögum og heitir hann Guðmundur Magni og er frá Brekkubæ.
Þetta er hans önnur sólóplata og ber nafnið, “Í huganum heim”. Tvö laganna á gripnum, “Heim” og “Augnablik”, hafa notið velgengni á útvarpsstöðum síðustu mánuði en platan inniheldur 10 ný lög auk þess sem lagið “Hugarró” sem Magni söng í undakeppni Júróvisjón síðasta vor fær að fljóta með. Nokkur lögin á disknum hafa sterka Borgarfjarðartenginu eins og Magni sjálfur.

Á plötunni stígur Magni niður fæti í hinum ýmsu tónlistarstefnum og eru yrkisefnin ástin, lífið, tíminn og hvernig þetta allt tvinnast saman á ferðalaginu.

Magni vann og samdi plötuna að mestu í samstarfi við Vigni Snæ Vigfússon upptökustjóra en auk þeirra lögðu Ásgrímur Ingi Arngrímsson, Rúnar Þór Þórarinnsson og Sævar Sigurgeirsson sitt af mörkum til verksins

Hægt er að versla plötuna í flestum betri tónlistarverslunum, á tónlist.is og svo er hægt að fá áritað eintak með því að senda mail á magni@amotisol.is

VELJUM BORGFIRSKT Í JÓLAPAKKANN!!!