Off Venue dagskráin í Fjarðarborg í kringum Bræðsluna

Nú er komið að því að tilkynna hvaða atriði verða í Fjarðarborg í kringum Bræðsluna 2012 og er dagskráin í ár stórglæsileg og ættu allir að finna sér eitthvað við hæfi. Hefð hefur skapast fyrir því að hafa borgfirska og Borgarfjarðartengda listamenn á fimmtudeginum og verður það þannig líka í ár. Þar höfum við nú aldeilis fengið liðsstyrk en hann Jónas Sigurðsson verður búsettur á Borgarfirði í sumar og hefur því unnið sér inn sæti á fimmtudagstónleikunum. Á næstunni segjum við frá dagskránni í Álfakaffi og þá fer helgina að taka sig verulega góða mynd.

Miðasalan á Bræðsluna sjálfa gengur mjög vel og því hvetjum við alla að tryggja sér miða sem fyrst vilji þeir vera öruggir með að komast inn. Miðasalan er á midi.is