Opið á barnum, sjómannadagur og guðsþjónusta um helgina

Þá er að koma helgi og sumarið loksins farið að láta sjá sig og hefur verið bongóblíða hérna í firðinum í dag.
Skúli Sveins mætti fréttamanni á rúntinum áðan og bað um að eftirfarandi skilaboð kæmust inn á síðuna.

 

„Barinn verður opinn í Fjarðarborg núna á laugardagskvöldið“, en er þetta fyrsta opnunin hjá "JÁ SÆLL" núna í sumar. Tilboð og eitthvað skemmtilegt, en grillið opnar síðan eftir nokkra daga. 

 

 Þið sem ekki eruð vinir "JÁ SÆLL" á fésbókinni ættuð endilega að smella hérna og óska eftir vinskap við þá enda gríðarlega sjarmerandi menn.

Á sunnudaginn verður sjómannadagskaffi í Fjarðarborg á vegum Björgunarsveitarinnar Sveinunga og eru borgfirðingar og nærsveitungar hvattir til að fjölmenna þangað. Eru nú allir helstu bakarameistarar fjarðarins sveittir við að undirbúa kræsingarnar.

Svo fyrr um morguninn verður hátíðarguðsþjónusta við smábátahöfnina kl 11:00 þar sem Bakkasystur munu leiða söng undir stjórn Kristjáns Gissurarsonar, en prestur er sr. Þorgeir Arason. Ef veðrið verður eitthvað lélegt þá verður athöfnin í kirkjunni.

Líf og fjör...