Tónlist fyrir alla - Skuggamyndir frá Býsans

Foreldrar og forráðamenn grunn-og leikskólabarna boðnir sérstaklega velkomnir ásamt gestum. Dagskráin hefst kl. 8:15 þriðjudaginn 8. september.

Dagskrá: Ferðalag til Balkanskagans 
Flytjendur: Skuggamyndir frá Býsans

Haukur Gröndal - leiðsögumaður, klarinett, saxófónn, kaval- og ney flauta
Ásgeir Ásgeirsson - bouzouki, tamboura, saz baglama
Þorgrímur Jónsson - bassi og tölvutækni
Erik Qvick - darbouka, tapan og annað slagverk

Farið er í ferðalag til Balkanlandanna með hljómsveitinni "Skuggamyndir frá Býsans". Við heyrum tónlist frá nokkrum löndum Balkanskagans og með hjálp tölvutækni og myndvarpa lærum við um þjóðfána, staðstningu og höfuðborgir landanna. Tónlistarflutningurinn er skreyttur með fallegum myndum frá löndunum og við kynnumst líka sumum af þeim hljóðfærum sem þjóðlagatónlistarmenn frá svæðunum leika á. Staldrað verður við í Króatíu, Bosníu-Hersegóvínu, Serbíu, Makedóníu, Albaníu, Grikklandi, Búlgaríu og Tyrklandi.  

Tónlist Balkanlandanna er fjölskrúðug og oft er talað um að í henni mætist menning Mið-Austurlanda og Evrópu. Hrynur í tónlistinni er oft ósamhverfur og tónmálið dulúðugt. Hljóðflærin sem kynnt verða frá nokkrum þessara landa eru t.d. strengjahljóðfærin bouzouki frá Grikklandi, saz baglama frá Tyrklandi og tamboura frá Búlgaríu. Ásláttarhljóðfærin darbouka og tapan koma líka við sögu sem og kavalflauta frá Búlgaríu og neyflauta frá Tyrklandi.

Hægt er að kynna sér tónlist hljómsveitarinnar á Youtube, en þar eru ýmis myndbrot frá tónleikum á sérstökum spilunarlista. Smellið á eftirfarandi hlekk: http://www.youtube.com/watch?v=vsqwYsVZAXU&list=PLliLSR-WIEOxO18JzbyzhFUX7NS6ysPQE