Til hamingju Viddi, Þórey og aðrir í Álfheimum

Þetta eru svo sannarlega jákvæðar fréttir fyrir ferðaþjónustuna á Borgarfirði.

Aðstandendur ferðaþjónustunnar Álfheima á Borgarfirði eystra fengu á dögunum Frumkvöðulinn, viðurkenningu Ferðamálasamtaka Austurlands. Það voru Arngrímur Viðar Ásgeirsson og Þórey Sigurðardóttir sem tóku við verðlaununum en þau eiga og reka fyrirtækið í samvinnu við foreldra Arngríms.

Frumkvöðullinn er veittur þeim sem sýna áræði og hugmyndaauðgi við uppbyggingu á þjónustu fyrir ferðamenn og stuðla með verkum sínum að aukinni fjölbreytni í atvinnugreininni á Austurlandi.

(mbl.is)

Fréttasíðan óskar Viðari og Þóreyju hjartanlega til hamingju með þessa viðurkenningu