Aðalskipulag Borgarfjarðarhrepps 2006 - 2016, Geitland. Aðalskipulagsbreyting fyrir svæðið

Hreppsnefnd Borgarfjarðarhrepps auglýsir hér með opið hús þar sem íbúar geta kynnt sér drög að breytingu á aðalskipulagi ásamt drögum að nýju deiliskipulagi að Geitlandi Borgarfirði eystra skv. ákv. gr. 4.6.1 í skipulagsreglugerð.Um er að ræða breytingu í landi Geitlands á um 11 ha. svæði  þar sem landbúnaðarsvæði er breytt í iðnaðarsvæði fyrir vatnsátöppunarverksmiðju, íbúðarsvæði og verslunar- og þjónustusvæði fyrir tengda starfsemi. Gert er ráð fyrir vatnsöflun í landi Bakka.

Áætlanir gera ráð fyrir framkvæmdum við byggingu verksmiðju, vatnstöku og boranir fyrir vatni þar sem vinnsla grunnvatns verður um 2 l/sek. Vatnsupptaka verður utan reits en borhola er í landi Bakka sem er í eigu Borgarfjarðarhrepps.
Opið hús verður á hreppsstofu Bakkagerði, Borgarfirði eystra, fimmtudaginn 11. maí  n.k.  kl. 10:00 - 16:00.

Almenningi verður gefinn kostur á að koma með ábendingar á kynningunni og/eða senda inn ábendingar til skipulags- og byggingarfulltrúa  Borgarfjarðarhrepps Hafnargötu 28, 710 Seyðisfirði eða á netfangið sigurdur.jonsson@efla.is  til og með 21. maí 2017.

Hægt er að nálgast breytingartillögu og nýtt deiliskipulagi hér fyrir neðan og á Hreppsstofu að Borgarfirði eystra.



Byggingarfulltrúinn í Borgarfjarðarhreppi