Fréttir og tilkynningar

Búðarleikur

Elstu börnin á leikskólanum eru markvist og ómarkvist að fást við stærðfræði 

Páskafrí

Páskafrí í leik-og grunnskólanum hefst eftir föstudaginn 19.mars.Skólastarf í leikskólanum hefst 28.mars en í grunnskólann mæta nemendur miðvikudaginn 29.mars og verður þá kennsla samkvæmt stundaskrá. Gleðilega páska og hafið það yndilegt í fríinu

Skíðaferð

Mikið svakalega var gaman á skíðum. Nemendur drifu sig í Oddskarðið í blíðskaparveðri 17.mars. Flestir voru að renna sér í fyrsta skipti og þurftu sumir að yfirstíga allskonar tilfinningar til að koma sér af stað. Í lok dagsins voru allir farnir að renna sér með bros á vör.

Bangsastund hjá 3.,4. og 5. bekk

Nemendur í 3., 4. og 5. bekk gerðu gjörning í útikennslutofunni 18.mars 2016 í tilefni af alþjóðadegi til afnáms kynþáttamisréttis 21. mars en dagurinn er einnig alþjóðadagur ljóðsins. Af þessu tilefni komu þau með bangsana sína í skólann. Kveikt var bál og böngsunum raðað í kring um bálið,  krakkarnir skrifuðu ljóð um vináttuna eða frið en fyrr um morguninn höfðu þau velt fyrir sér andheitum orðsins kynþáttafordómar. Ljóðin lásu þau upp fyrir eldri nemendur og aðra áheyrendur í lok tímans. Þau höfðu sjálf komist að því að þau gætu notað bangsa sem tákn fjölbreytileika og þeir eru í þessum gjörningi vísun til mikilvægi fjölbreytileikans í samfélagi  okkar og mikilvægi þess að afnema misrétti. Bangsinn hefur einnig á síðustu misserum orðið tákn sakleysisins, barna á flótta og mannúðar. Ljóðin má lesa hér.

Árshátíð grunnskólans

Nemendur og kennarar í grunn- og leikskóla Borgarfjarðar eystra eiga mikið hrós skilið fyrir undirbúning árshátíðar sem haldin var 12.mars. Það er sennilega ekki í mörgum skólum á landinu sem nemendur í 10.bekk og elstu börn leikskóla taka þátt í sömu leikskýningunni eins og var raunin í leikritinu Ævintýrahrærigrautur Rauðhettu og félaga.

Hjartanlega velkomin á árshátíð!

Laugardaginn 12. mars klukkan 18:30 verður árshátíð skólans haldin hátíðleg. Sett verður upp leikritið "Ævintýrahrærigrautur Rauðhettu og félaga" sem nemendur og kennarar hafa undirbúið af kostgæfni síðustu vikur. Foreldrar í leik - og grunnskóla sjá um veitingar að sýningu lokinni. Meiriháttar stuð í boði, glens og gaman og klassískt borgfirskt hlaðborð á eftir  :)Sýning og kaffi 1500. Ekkert gjald fyrir börn undir 6 ára.

Dagur stærðfræðinnar og dagur leikskólans

Líkt og undanfarin ár héldum við dag leikskólans og dag stærðfræðinnar hátíðlegan með því að vinna að skemmtilegu stærðfræðiverkefni þvert á skólastigin í grunn- og leikskólanum. Í ár tókum við fyrir mynstur sem þema, nemendur unnu að þökun og flutningi með ýmsum geómetrískum formum. Unnu sitt eigið verk sem síðan varð hluti af stóru verki sem nú prýðir miðrými skólans. Þarna fór saman samþætting myndlistar og stærðfræði og blanda af einstaklingssnámi og samvinnunámi. 

Sleðaferð

Við skelltum okkur í sleðaferð og renndum okkur niður Hvolshólinn af miklum móði fimmtudaginn 4.febrúar.  Nemendur höfðu með sér nesti að heiman og heitt kakó sem þau útbjuggu í heimilisfræði þá um morguninn. Yndislegur náttúrudagur hjá flottu krökkunum og kennurunum í grunn- og leikskólanum!

Bíllaus dagur

Á morgun, miðvikudag, er bíllaus dagur hjá okkur. Bíllaus dagur er hugmynd sem kom fram hjá nemendum í haust á "Grænfánadeginum".

Um krakkaálfa

Núna í janúar höfum við á leikskólanum verið að fjalla um ævintýri og þjóðsögur