Fréttir

Það er okkur í Fjarðarborg heiður að kynna næsta listamann til sögunnar í tónleikasumrinu, en það er snillingurinn hún Sóley Stefánsdóttir, eða bara Sóley eins og hún kallar sig oftast.

Skemmtiferðaskipið Sea Explorer kom að Hafnarhólma 16. júní síðastliðin.

Hið störnum prýdda lið Ungmennafélags Borgarfjarðar í knattspyrnu karla gerði góða ferð á Djúpavog þann 17. júní og vann þar sannfærandi sigur á sterku liði heimamanna í Neista 1-3. Leikurinn markaði upphaf tímabilsins í Bikarkeppni UÍA í knattspyrnu þar sem UMFB hefur titil að verja.

KK Band mætir í fjörðinn núna um helgina

Í sumar verða vikulegar æfingar fyrir krakkana á Borgarfirði og er stefnan á að hafa þær aðeins reglulegri og fagmannlegri en hafa verið í vetur.  Gréta Sóley Arngrímsdóttir hefur tekið að sér að vera yfirþjálfari en sennilega munu einhverjir hjálpa henni við þetta. 

Ungmennafélag Borgarfjarðar efnir til hátíðahalda Í tilefni þjóðhátíðardagsins.

Ágætu Borgfirðingar! Eins og þið mörg hver vitið þá stendur til að taka upp kvikmyndina Hjartastein hér í firðinum í sumar og haust. Á sunnudaginn 14. júní á milli 10:00 – 13:00 munu framleiðendur myndarinnar vera með opnar prufur fyrir leikara í Fjarðarborg.

Sumarið er byrjað í Fjarðarborg og margt spennandi framundan.

Sjómannadagurinn verður haldinn hátíðlegur sunnudaginn 7. júní.

Grunnskólanum var slitið 27. maí og kennarar eru þessa dagana í óða önn að ganga frá eftir veturinn og undirbúa eins og hægt er fyrir haustið- áður en þeir fara i sumarfrí. Í sumar stendur til að lagfæra ýmislegt, til dæmis, taka til, mála Rifið (miðrýmið) og bæta hljóðvistina í skólanum og aðbúnað okkar með því lagfæra gólf. Þær framkvæmdir fara á fullt þegar leikskólinn fer í sumarfrí í júlí.  Grunnskólahald hefst á ný 17.  ágúst með sundnámskeiði nemenda á Egilsstöðum og skólasetningu kl. 15:30 en 10. og 11 ágúst  munu kennarar heimsækja nemendur og foreldra til að ræða um starf komandi vetrar.  Leikskólinn hefst eftir sumarfrí 5. ágúst.  Glærur frá skólasetnignu má nú finna á heimasíðunni undir tenglar.