Fréttir

Grunnskóli Borgarfjarðar eystri auglýsir eftir kennurum

    Grunnskólinn á Borgarfirði eystra er heimilislegur samkennsluskóli sem rekinn er í samstarfi við leikskóla og frístund. Í skólanum næsta vetur verða 15 nemendur í 1.-10. bekk og 3 – 5 börn í leikskólanum. Frístund er rekin í leikskóla. Við erum  komin vel á veg með að aðlaga starfið að nýrri aðalnámsskrá og mun samþætting námsgreina og útikennsla fá aukið rými í skólastarfinu. Einkenni skólans sem við hlúum sérstaklega að eru sviðslistir, sjálfbærni og góð tengsl við grenndarsamfélagið, sögu þess og menningu. Við erum Grænfánaskóli og leggjum áherslu á umhverfisvitund og útikennslu ásamt rými fyrir skapandi starf. Á næsta skólári stefnum við að því að vinna sem heilsueflandi grunnskóli. Við gerum okkur grein fyrir að skólinn er lykilþáttur í íbúaþróun á Borgarfirði og þess vegna leitum við eftir skapandi og dugmiklu fólki sem vill hjálpa okkur að snúa vörn í sókn og vinna uppbyggilega að jákvæðu skólasamfélagi.  Okkur vantar kennara til að sinna ýmsum greinum og sérkennslu á elsta- og miðstigi. Meðal kennslugreina sem kæmu til greina eru utan sérkennslu í íslensku og stærðfræði er íslenska, sviðslistir, náttúrufræði, samfélagsgreinar, íþróttir og tungumál í öllum bekkjum,  jafnvel myndlist og heimilifræði, samtals 1,4 -1,5 stöðugildi. Menntun, reynsla og metnaður: ·       Grunnskólakennari með leyfisbréf til kennslu eða kennaranemar í fjarnámi ganga fyrir öðrum umsækjendum ·       Kennslureynsla er kostur, einnig þeir sem hafa reynslu af útikennslu og samþættingu námsgreina ·       Samstarfsvilji með fullorðnum og börnum nauðsynlegur ·       Áhugi á að vinna að uppbyggingu skóla og skólasamfélags ·       Jákvætt hugarfar, ábyrgðarkennd, dugnaður og fagleg vinnubrögð ásamt áhuga á að samþætta námsgreinar er nokkuð sem umsækjendur þurfa að hafa metnað fyrir ·       Aðeins reglusamir einstaklingar koma til greina Umsækjendur skulu sýna fram á hreint sakavottorð eða veita heimild fyrir upplýsingaöflun úr sakaskrá. Ljósrit af leyfisbréfi eða prófgráðum eða staðfesting á námi skal fylgja umsókn.   Umsóknarfrestur er (framlengdur) til 14. júní 2014.   Áhugasamir hafi samband við Svandísi Egilsdóttur skólastjóra í síma 472-9938 eða 7717217 Umsókn ásamt meðmælum sendist til:  Skólastjóri Svandís Egilsdóttir,  Grunnskóla Borgarfjarðar eystra, 720 Borgarfjörður, eða skolastjorigbe@ismennt.is   Við hlökkum til að heyra frá þér.

Sorpflokkunardagur

Flokkunardagur í boði grunnskólans!  Við, nemendurnir í skólanum, ætlum mánudaginn 19. maí nk. að ganga á milli húsa og safna endurvinnanlegu rusli.

Valdagar

Vikan fyrir páska var valvika hér í skólanum.

Uppselt á 40 mínútum á Bræðsluna

„Þetta er met, það tók einungis 40 mínútur að seljast upp á Bræðsluna,“ segir Magni Bræðslustjóri en miðasala á hátíðina hófst klukkan 10.00 í morgun og voru allir miðarnir seldir klukkan 10.40.

Árshátíð

Við í Grunnskólanum héldum árshátíðina okkar s.l. laugardag en

Fréttatilkynning - Listamenn á Bræðslunni 2014

Tónlistarhátiðin Bræðslan verður haldin hér á Borgarfirði eystra laugardaginn 26. júlí nk. Þetta er í tíunda skiptið sem Borgfirðingar slá upp tónlistarhátíð í gömlu síldarbræðslunni á Borgarfirði og því verður hátíðin í sumar sérlega vegleg.  Eftirfarandi tónlistarfólk mun koma fram í Bræðslunni þetta árið:

Ný myndbönd á heimasíðunni

Nú hafa verið sett inn ný myndbönd á heimasíðuna hjá okkur.

Árshátíð

Kæru Borgfirðingar og aðrir velunnarar Verið velkomin á árshátíð og leiksýningu

Súpufundur hjá Framfarafélaginu

Framfarafélag Borgarfjarðar boðar til almenns félagsfundar í Álfheimum þriðjudaginn 25. mars kl 18:30. Súpa og brauð í boði fyrir fundargesti.

Hópsamvera

Á dögunum var hópsamvera hjá 1. - 7. bekk.